Samarqand viloyati Pedagogik mahorat markazida ilmiy kengash yig‘ilishi bo‘lib o‘tdi

Samarqand viloyati Pedagogik mahorat markazida navbatdagi ilmiy kengash yig‘ilishi bo‘lib o‘tdi. Tadbirga markaz rahbariyati, kafedra mudirlari, dotsentlar hamda mas’ul xodimlar qatnashdilar.

Yig‘ilishni markaz direktori Anvar Sobirov kirish so‘zi bilan ochib berdi. U o‘z nutqida o‘qituvchilarning pedagogik mahoratini oshirish, zamonaviy ta’lim texnologiyalarini joriy etish hamda markaz faoliyatini yanada samarali tashkil etish borasida olib borilayotgan ishlar haqida to‘xtalib o‘tdi. Shuningdek, direktor jamoa oldida turgan ustuvor vazifalarni belgilab berdi va har bir xodimning mas’uliyat bilan ishlashi zarurligini ta’kidladi.

Shundan so‘ng markaz direktori o‘rinbosari Sarvar Murodov KRK va KRS tadbirlarini tashkil etish hamda ularni sifatli o‘tkazish masalalari bo‘yicha ma’ruza qildi.

Yig‘ilish davomida hududiy markaz dotsenti G‘anisher Tagaev “Pedagogika, psixologiya va ta’lim texnologiyalari” kafedrasi faoliyati haqida batafsil ma’lumot berdi. U kafedraning o‘quv-uslubiy ishlari, malaka oshirish kurslarida qo‘llanilayotgan yangi pedagogik yondashuvlar va o‘qituvchilar bilan olib borilayotgan amaliy ishlar yuzasidan hisobot taqdim etdi.

Yig‘ilish yakunida har xil masalalar muhokama qilinib, markaz faoliyatini takomillashtirishga qaratilgan bir qator qarorlar qabul qilindi.

✍️Samarqand viloyati PMM ijtimoiy tarmoqlarda kuzatib boring: