Assalomu alaykum, qadrli kasaba uyushma faollari, mehnatkash yurtdoshlar!

Siz azizlarni 11-noyabr – Kasaba uyushmalari kuni munosabati bilan chin dildan tabriklayman!

Kasaba uyushmalari – bu mehnatkash insonlarning huquq va manfaatlarini himoya qiluvchi, ularning hayotida barqarorlik va ishonchni mustahkamlaydigan, jamiyatda birdamlik va totuvlikni qaror toptiruvchi ulug‘ tashkilotdir. Ayniqsa, so‘nggi yillarda mamlakatimizda ijtimoiy himoya tizimini takomillashtirish, xodimlarning huquqlarini kafolatlash hamda ularning faoliyatiga yaratilayotgan sharoitlar kasaba uyushmalari bilan hamkorlikda yanada samarali yo‘lga qo‘yilmoqda.

Bugun ta’lim tizimida faoliyat yuritayotgan kasaba uyushma faollari – ustoz va murabbiylarimiz, jamoa yetakchilari o‘z fidoyiligi, g‘amxo‘rligi va tashabbuskorligi bilan butun jamoamizda sog‘lom muhit, samimiylik va o‘zaro hurmatni mustahkamlab kelmoqdalar. Sizlarning mehnatsevarligingiz, tashkilotchilik qobiliyatingiz tufayli o‘qituvchilarimiz, tarbiyachilarimiz hamda barcha ta’lim xodimlari o‘z kasbiga yanada mehr bilan yondashmoqda.

Hurmatli kasaba uyushma a’zolari!
Sizlarni bu qutlug‘ sana bilan yana bir bor samimiy tabriklab, yurtimiz taraqqiyoti, xalqimiz farovonligi yo‘lida olib borayotgan sharafli mehnatingizda ulkan muvaffaqiyatlar, oilaviy baxt-saodat, sihat-salomatlik va bardavom zafarlar tilayman.

Kasaba uyushmalari xodimlarining birdamligi, fidoyiligi va mehnatsevarligi tufayli Vatanimizda tinchlik, baraka va ahillik doimo hukm sursin!

Hurmat bilan,
Anvar SOBIROV
Samarqand viloyati Pedagogik mahorat markazi direktori